គណៈកម្មការទី២ព្រឹទ្ធសភាប្រជុំពិនិត្យពិភាក្សាលើសេចក្ដីព្រាងសេចក្តីសម្រេចស្តីពីការបង្កើតអង្គភាពកិច្ចការសុខភាព និងសង្គមកិច្ចនៃព្រឹទ្ធសភា
នាព្រឹកថ្ងៃព្រហស្បតិ៍ ទី២៥ ខែកុម្ភៈ ឆ្នាំ២០២១ នៅសាលប្រជុំពិសេស វិមានព្រឹទ្ធសភា គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្មនៃព្រឹទ្ធសភា (គណៈកម្មការទី២) ដឹកនាំដោយឯកឧត្តម ជា ជេដ្ឋ ប្រធានគណៈកម្មការ បានអញ្ចើញជួបប្រជុំពិភាក្សាការងារជាមួយនឹងថ្នាក់ដឹកនាំអគ្គលខេធិការដ្ឋានព្រឹទ្ធសភា ដឹកនាំដោយឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា ដើម្បីពិនិត្យសិក្សាលើសេចក្ដីព្រាងសេចក្តីសម្រេចស្តីពីការបង្កើតអង្គភាពកិច្ចការសុខភាព និងសង្គមកិច្ច នៃព្រឹទ្ធសភា និងការកំណត់តួនាទី ភារកិច្ច រចនាសម្ព័ន្ធ៕
